„ვაგნერის“ დაჯგუფების ხელმძღვანელი, ევგენი პრიგოჟინი უკრაინაში ომის დაწყების შემდეგ სხვადასხვა ციხეში დადიოდა და მსჯავრდებულებს საომრად წასვლის სანაცვლოდ სამომავლო ამნისტიას სთავაზობდა.
უკრაინული მხარე ავრცელებს ვიდეოჩანაწერს, რომელშიც ჩანს, თუ როგორ სცემენ რუსი სამხედროები თავიანთ დაჭრილ მეთაურს ნიჩბებით.
როგორც The Guardian წერს, უკრაინული მხარის განცხადებით, ვიდეო ბახმუტთან ახლოს დრონითაა გადაღებული და ასახავს ვაგნერის დაჯგუფების წევრების ქმედებას. კადრებში ჩანს, თუ როგორ მიათრევს ოთხი სამხედრო დაჭრილ ოფიცერს სახლის ნანგრევებთან, შემდგომ კი, სავარაუდოდ, ნიჩბებით უსწორდებიან.
კადრები, სავარაუდოდ, კვირის დასაწყისშია გადაღებული და უკრაინულ მედიაარხებზე ორშაბათს გავრცელდა.
ამ ეტაპზე უცნობია, თუ როგორია კადრებზე აღბეჭდილი დაჭრილი ოფიცრის მდგომარეობა, თუმცა The Guardian აღნიშნავს, რომ კადრები თანხვედრაშია იმ ცნობებთან, რაც რუსი დაქირავებული მებრძოლების მორალზე ვრცელდება.
უკრაინელი სამხედროები, რომლებიც ბახმუტში და მის გარშემო იბრძვიან, ყვებიან, თუ რა მეთოდებს იყენებენ ბრძოლაში ვაგნერის წევრები ერთმანეთის მიმართაც. The Guardian აცხადებს, რომ არსებობს დაჯგუფების შიგნით სიკვდილის დასჯის შესახებ ცნობებიც.
Russians from the Wagner group are pulling their wounded commander away… One might think they’re evacuating him. Wrong.
They will “dostoyevsky” him behind some shed.
So much for “great Russian culture”. A very clear message for every commander in the Russian military. pic.twitter.com/cWseT8NeiN
— Melaniya Podolyak (@MelaniePodolyak) February 6, 2023
ბრიტანული დაზვერვის თანახმად, „ვაგნერის“ დაჯგუფება უკრაინაში 50 ათასამდე მებრძოლს ხელმძღვანელობს და ამ ომის მთავარ კომპონენტს წარმოადგენს რუსეთის მხრიდან.
