თურქეთსა და სირიაში დამანგრეველი მიწისძვრის შედეგად დაღუპულთა რიცხვი 4 890-მდე გაიზარდა. ინფორმაციას ამის შესახებ CNN ავრცელებს.
გამოცემა წერს, რომ დღევანდელი დილის მონაცემებით, თურქეთში დაღუპულთა რიცხვმა 3 381 შეადგინა, სირიაში კი გარდაცვლილთა რიცხვი 1 509-მდე გაიზარდა, დაშავებულთა რაოდენობამ კი 3 548-ს მიაღწია. ამ დროისთვის, თურქეთის ხელისუფლების განცხადებით, სტიქიის შედეგად დაშავდა 20 426 ადამიანი და ზიანი მიადგა 11 000-ზე მეტ შენობას.
მედიის განცხადებით, ამჟამად თურქეთში მიწისძვრით დაზარალებულ რეგიონებში 25 000 მაშველი მუშაობს. CNN წერს, რომ გადაუდებელი დახმარების ჯგუფები 10 გემსა და 54 ვერტმფრენს იყენებენ დაჭრილთა დასახმარებლად და სამძებრო სამუშაოებში.
6 თებერვალს, გამთენიისას, თურქეთის სამხრეთ-აღმოსავლეთსა და სირიაში 7.8 მაგნიტუდის სიმძლავრის მიწისძვრა მოხდა. აშშ-ის გეოლოგიური სამსახურის ცნობით, მიწისძვრის ეპიცენტრი თურქეთის ქალაქ გაზიანთეფიდან 33 კმ-ის მოშორებით იყო. მ
მიწისძვრა მსოფლიოს მასშტაბით მილიონობით ადამიანმა იგრძნო, მათ შორის, ისრაელსა და ლიბანში. პირველი მიწისძვრის შემდეგ, 6 თებერვალს უკვე შუადღისას თურქეთის იმავე რეგიონში კვლავ მოხდა მიწისძვრა – 7.8 მაგნიტუდის სიმძლავრის.
წაიკითხეთ ასევე:
