ეროვნულ-დემოკრატიული ინსტიტუტის (NDI) და CRRC-საქართველოს ახალი კვლევის თანახმად, გამოკითხულთა უმეტესობა კვლავ პოლიტიკურად გადაუწყვეტელია.
გამოკითხულთა 39% ამბობს მის შეხედულებებთან ყველაზე ახლოს არცერთი პოლიტიკური პარტია არ დგას.
ამასთან, კვლევის მიხედვით, პარტიების მხარდაჭერის ინდივიდუალური მაჩვენებლები იმდენად დაბალია, რომ არჩევნების შედეგების გამოსაცნობად ვერ გამოდგება.
კერძოდ, გამოკითხულთა 25% ამბობს, რომ მის შეხედულებებთან ყველაზე ახლოს „ქართული ოცნებაა“, 6% „ერთიან ნაციონალურ მოძრაობას“ ასახელებს, სხვა პარტიებს 13% ასახელებს.
როგორც კვლევა აჩვენებს, „ქართული ოცნების“ მხარდაჭერა შედარებით მაღალია სოფლის ტიპის დასახლებებსა და პატარა ქალაქებში, ვიდრე თბილისსა და დიდ ქალაქებში.
NDI-მ საზოგადოებრივი აზრის კვლევის ფარგლებში, 3 დეკემბრიდან 20 დეკემბრამდე, საქართველოში (ოკუპირებული ტერიტორიების გარდა), ქვეყნის მასშტაბით, პირისპირ გამოკითხა ზრდასრული მოსახლეობა. კვლევა შედგება 2 519 ინტერვიუსგან, ხოლო ცდომილების ზღვარი +/- 1.6%-ია.
61% მიიჩნევს, რომ არცერთი პარტია გამოხატავს ხალხის ინტერესებს -NDI
