დღეს, 21 იანვარს საქართველოში მცხოვრებმა რუსეთის მოქალაქეებმა შვეიცარიის საელჩოსთან, სადაც რუსეთის ინტერესების სექცია მდებარეობს, რუსეთში დაკავებული პოლიტიკური პატიმრების გათავისუფლების მოთხოვნით აქცია გამართეს.
ფოტო: ფონდი „თავისუფალი რუსეთი“.
თბილისი, ერთ-ერთია მსოფლიოს იმ ქალაქებს შორის, სადაც ალექსეი ნავალნისა და სხვა რუსი პოლიტპატიმრების მხარდასაჭერი მანიფესტაცია გაიმართა. საქართველოში აქციის ორგანიზატორი „თავისუფალი რუსეთის“ ფონდი იყო. ამავე შინაარსის აქციები მიმდინარე კვირის განმავლობაში მსოფლიოს არაერთ ქვეყანაში გაიმართა.
ფოტო: ფონდი „თავისუფალი რუსეთი“.
აქციის მონაწილეები აღნიშნავენ, რომ რუსეთში ასობით პოლიტიკური პატიმარია, რომელთა რაოდენობა მკვეთრად გაიზარდა რუსეთის მიერ უკრაინაში სრულმასშტაბიანი ომის წამოწყების შემდეგ. აქციის ორგანიზატორების თქმით, თანამედროვე რუსეთში იმისათვის, რომ ციხეში გიკრან თავი ომისთვის ომის დაძახებაც კი საკმარისია.
ფოტო: ფონდი „თავისუფალი რუსეთი“.
