ახალი ამბები

ვუსამძიმრებ დაღუპულთა ოჯახებს – ზურაბიშვილი უკრაინის ავიაკატასტროფაზე

18 იანვარი, 2023 • 840
ვუსამძიმრებ დაღუპულთა ოჯახებს – ზურაბიშვილი უკრაინის ავიაკატასტროფაზე

საქართველოს პრეზიდენტი, სალომე ზურაბიშვილი ეხმაურება უკრაინაში მომხდარ ავიაკატასტროფას, რომლის შედეგადაც უკრაინის შინაგან საქმეთა მინისტრი და კიდევ 17 ადამიანი დაიღუპა. ამის შესახებ იგი ტვიტერის საკუტარ გვერდზე წერს:

“ღრმად დამწუხრებული ვარ ბროვარში ვერტმფრენის ტრაგიკული ავარიის გამო. ვუსამძიმრებ დაღუპულთა ოჯახებს, უკრაინელ ხალხს და პრეზიდენტ ზელენსკის.

საქართველო თქვენთან ერთად გლოვობს”, – წერს ზურაბიშვილი.

დღეს, 18 იანვარს, უკრაინაში, ქალაქ ბროვარში ვერტმფრენი ჩამოვარდა, რის შედეგადაც დაიღუპნენ უკრაინის შინაგან საქმეთა სამინისტროს მაღალჩინოსნები, მათ მინისტრი დენის მონასტირსკი, მისი პირველი მოადგილე ევგენი იენინი და სამინისტროს სახელმწიფო მდივანი იური ლუბკოვიჩი. ამჟამინდელი მონაცმეებით დაღუპულია 18 ადამიანი, მათ შორის 3 ბავშვი. ავიაკატასტროფის მიზეზი უცნობია.

მასალების გადაბეჭდვის წესი