სომხეთის პრემიერ-მინისტრის, ნიკოლ ფაშინიანის დღევანდელი, 10 იანვრის პრესკონფერენციაზე გაკეთებული განცხადებით, 2023 წელს ერევანი მიზანშეუწონლად მიიჩნევს ОДКБ-ს [კოლექტიური უსაფრთხოების შეთანხმების ორგანიზაცია] სწავლებების ჩატარებას სომხეთის ტერიტორიაზე, რის შესახებაც, მისივე თქმით, უკვე აცნობა ორგანიზაციის წევრებს.
„კოლექტიური უსაფრთხოების ხელშეკრულების ორგანიზაცია“ (ОДКБ) ევრაზიაში NATO-ს მსგავსი, რუსეთის მიერ დომინირებული სამხედრო ბლოკია, რომლის მიზანიც წევრი სახელმწიფოების უსაფრთხოების დაცვაა.
დამატებითი კომენტარი ამ საკითხთან დაკავშირებით, ფაშინიანს არ გაუკეთებია
იქამდე, როგორც გამოცემა meduza წერს, რუსეთის თავდაცვის სამინისტროს ვებ-გვერდზე განთავსდა ინფორმაცია იმის შესახებ, რომ სომხეთის ტერიტორიაზე 2023 წელს ОДКБ-ს სამშვიდობო კონტინგენტების ერთობლივი წვრთნები გაიმართებოდა.
სომხეთში ОДКБ-ს წევრობის შენარჩუნების საკითხი პოლიტიკური დისკურსის მთავარ თემად რჩება.
