რუსეთის თავდაცვის სამინისტრომ განაცხადა, რომ მინისტრმა სერგეი შოიგუმ უკრაინაში მოინახულა „რუსული დანაყოფების მოწინავე პოზიციები“, თუმცა პროექტ GeoConfirmed-ის ცნობით, ადგილი, საიდანაც სამინისტრომ შოიგუს ვიდეო გაავრცელა, ათობით კილომეტრებით არის დაშორებული ფრონტის ხაზიდან.
რუსეთის თავდაცვის სამინისტრომ 18 დეკემბერს გაავრცელა განცხადება, რომლის თანახმადაც, გარდა იმისა, რომ მინისტრმა შოიგუმ „მოინახულა სპეციალური ოპერაციის არეალში მყოფი ჯარისკაცები“, „შეასრულა ფრენა იმ არეალების გარშემო, სადაც ჯარისკაცები არიან განთავსებულნი და შეამოწმა რუსული დანაყოფების მოწინავე პოზიციები“.
„ვიდეოში უჩვენებენ თხრილებს, რათა დაადასტურონ, რომ მან ფრონტის ხაზს გადაუფრინა… თუმცა სინამდვილეში ფრონტის ხაზიდან 85 კმ-ის დაშორებით იმყოფებოდა“, – წერს GeoConfirmed.
They show trenches to proof he flew over the front line while they are giving him an explanation (About what?)
but in reality he is flying 85km behind the front line.
Propaganda it seems.0:18 = 46.14961, 33.70099 , GeoLocated by our team.
2/8 pic.twitter.com/PV7QO14nO1
— GeoConfirmed (@GeoConfirmed) December 19, 2022
„სინამდვილეში, ის ეწვია ყირიმის დაცვის ხაზს, რომელიც, სავარაუდოდ, უკვე მიტოვებულია“, – წერენ სპეციალისტები.
0:24 = 46.132707, 33.635193, GeoLocated by @GlasnostGone
GeoLocation:https://t.co/Fo9IfC3oPK
3/8
— GeoConfirmed (@GeoConfirmed) December 19, 2022
GeoConfirmed არის პლატფორმა, რომელსაც გეოლოკაციით დაინტერესებული მოხალისეები ამუშავებენ. პლატფორმის ინფორმაციას ხშირად იყენებს გამომძიებელ ჟურნალისტთა გაერთიანება Bellingcat.
