მარუტ ვანიანი, სტეპანაკერტი
ერთადერთი გზა, რომელიც ყარაბაღს სომხეთთან და დანარჩენ მსოფლიოსთან აკავშირებს, 11 დეკემბრიდან დღემდე დაკეტილი რჩება. 90% -ზე მეტი პროდუქციისა ყარაბაღში სომხეთიდან შედის. ადგილობრივი პროდუქცია თითქმის არ არსებობს – მხოლოდ ბოსტნეული, კვერცხი, ქათამი.
აზერბაიჯანის მოქალაქეებმა ყარაბაღის ტერიტორიაზე ორ საბადოზე მონიტორინგის მოთხოვნით გადაკეტეს სტეპანაკერტი-გორისის ავტომაგისტრალი, რის გამოც მთიანი ყარაბაღის მოსახლეობა სომხეთთან სატრანსპორტო კავშირის გარეშე და იზოლაციაში დარჩა.
აზერბაიჯანის მოქალაქეებმა სტეპანაკერტის მოსახლეობას გზა გადაუკეტეს
16 დეკმბერს ყარაბაღის სახელმწიფო მინისტრმა რუბენ ვარდნიანმა მიმდინარე სიტუაცია ყარაბაღში ლენინგრადის ბლოკადას შეადარა და ფეისბუკზე ვიდეომიმართვის დროს თქვა, რომ გზა მალე გაიხსნება წინაპირობების გარეშე. თუმცა ამ ეტაპზე სიტუაცია უცვლელი რჩება. გზის ჩაკეტვამ ყარაბაღში ჰუმანიტარული ტიპის პრობლემები შექმნა.
ლაჩინის კორიდორი სომხეთის რესპუბლიკას აკავშირებს ყოფილი მთიანი ყარაბაღის ავტონომიურ ოლქთან. 2020 წლის 9 ნოემბრის სამმხრივი შეთანხმების მიხედვით, რომელიც ყარაბაღში 27 სექტემბერს დაწყებული 45- დღიანი ომის შემდეგ მოსკოვის შუამდგომლობით გაფორმდა სომხეთსა და აზერბაიჯანს შორის, კონფლიქტის ზონაში რუსი მშვიდობისმყოფელები განთავსდნენ, რომლებიც აკონტროლებდნენ ლაჩინის კორიდორს.