ნორვეგიის საგარეო საქმეთა მინისტრი ანიკენ ჰუდფელდტი აცხადებს, რომ საქართველოს სჭირდება პარტნიორების სოლიდარობა. ამის შესახებ მან ბუქარესტში, ნატო-ს საგარეო საქმეთა მინისტერიალის მიმდინარეობისას ჟურნალისტებს განუცხადა.
მისი თქმით, ნატო-ს მინისტერიალზეც ერთ-ერთი განსახილველი საკითხი რუსეთის მეზობლად მდებარე დაუცველ ქვეყნები იქნება, მათ შორის- საქართველო და მოლდოვა.
„ცოტა ხნის წინ ვიყავი საქართველოში. მათ ჩვენი სოლიდარობა სჭირდებათ და არის საჭიროება, რომ ნამდვილად დავდგეთ მათი საზღვრების დასაცავად. მე ვფიქრობ, ეს იქნება დღეს მინისტერიალზე საქართველოსთვის საერთო გზავნილი“, – განაცხადა ნორვეგიის საგარეო მინისტრმა.
