ბათუმელები/ნეტგაზეთის დამფუძნებელი და დირექტორი მზია ამაღლობელი დააპატიმრეს. ბათუმელები/ნეტგაზეთი, როგორც დამოუკიდებელი და გავლენებისგან თავისუფალი მედიასაშუალება, რომელიც მზია ამაღლობელმა 2001 წელს დააფუძნა, მიიჩნევს, რომ ის არის რუსული რეჟიმის სინდისის პატიმარი, არ აპირებს შეგუებას, ითხოვს მის დაუყოვნებლივ გათავისუფლებას და აგრძელებს ბრძოლას სიტყვის თავისუფლებისთვის.

სი ძინპინი ჩინეთის კომუნისტური პარტიის ცენტრალური კომიტეტის გენერალურ მდივნად 5 წლის ვადით და ცენტრალური სამხედრო კომისიის თავმჯდომარედ აირჩიეს.

22 ოქტომბერს ჩინეთის მმართველმა კომუნისტურმა პარტიის კონგრესმა გამოაქვეყნა მე-20 ცენტრალური კომიტეტის შემადგენლობა, რომელშიც არ შედის ორი მთავარი თანამდებობის პირი, რომლებსაც კავშირი არ აქვთ ქვეყნის ლიდერთან. ესენი არიან პრემიერ ლი კეჩიანი, რომელიც თანამდებობას ტოვებს და გუანდუნგის პარტიის ყოფილი ლიდერი ვანგ იანგი, რომელიც პრემიერის პოტენციურ შემცვლელად განიხილებოდა.

ჩინეთის ყოფილი პრეზიდენტი ჰუ ძინტაო მისთვის მოულოდნელად გაიყვანეს მმართველი პარტიის ყრილობიდან. ჩინეთის საინფორმაციო საშუალებებმა გაავრცელეს ინფორმაცია, რომ ის შეუძლოდ იყო, თუმცა ვიდეო კადრებში ჩანს მისი დაბნეულობა და წინააღმდეგობის მცდელობა კონგრესიდან მოულოდნელად გაყვანის მომენტში.

კომიტეტის ერთგული მომხრეებით დაკომპლექტების შემდეგ, სი ძინპინი სავარაუდოდ მესამე ვადით გახდება ჩინეთის პრეზიდენტი, რაც ოფიციალურად მთავრობის ყოველწლიურ საკანონმდებლო სესიაზე, 2023 წლის მარტში გამოცხადდება. ისტორიული მესამე ვადა კომუნისტური პარტიის ლიდერის პოსტზე სი ძინპინს მაო ძედუნის შემდეგ ქვეყნის ყველაზე გავლენიან მმართველად ხდის.

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.

ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.

დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.

წესებსა და პირობებს დეტალურად შეგიძლია გაეცნო მხარდაჭერის პლატფორმაზე.