ქალაქ რუსთავში პიტბულის ჯიშის ძაღლმა ოთხი ადამიანი დაკბინა. ინფორმაციას ადგილობრივი გამოცემა “ინფო რუსთავი” ავრცელებს.
სააგენტოს თანახმად, შემთხვევა ღამის საათებში, შარტავას გამზირზე მოხდა. დაზარალებულია ორი ქალი და ორი კაცი.
როგორც “ნეტგაზეთს” სასწრაფო სამედიცინო დახმარების სამსახურში განუცხადეს, ოთხივე პირი რუსთავის ცენტრალურ საავადმყოფოში გადაიყვანეს. საავადმყოფოში არ გვიპასუხეს დაზარალებულთა ჯანმრთელობის მდგომარეობასთან დაკავშირებით დასმულ კითხვებზე.
“ინფო რუსთავს” ერთ-ერთმა დაზარალებულმა უთხრა, რომ ნაკბენები მუცელზე აქვს, თუმცა მძიმე არ არის.
“ნეტგაზეთი” შსს-სგან მომხდარზე კომენტარს ელის.
