ლონდონის ეროვნულ გალერეაში გარემოს დამცველმა აქტივისტებმა ვინსენტ ვან გოგის ცნობილ ნამუშევარს, რომელსაც საზოგადოება „მზესუმზირების“ სახელით იცნობს, პომიდვრის სოუსი შეასხეს.
კადრებში ჩანს ორი პირი, რომელთაც ნავთობის მოპოვების საწინააღმდეგო კამპანიის მაისურები აცვიათ. მათ კონსერვის ქილა გახსნეს და შიგთავსი ნახატს შეასხეს, შემდეგ კი დაცვამ გააკავა.
პოლიციის თანახმად, ორივე პირი დაკავებულია.
ლონდონის ეროვნული გალერეის თანახმად, სადაც ნახატია გამოფენილი, ნამუშევრები მინის საფარითაა დაცული, შესაბამისად, ვან გოგის „მზესუმზირები“ არ დაზიანებულა.
დაკავებამდე აქტივისტები მსოფლიოში ნავთობისა და გაზის მოპოვების შეწყვეტას მოითხოვდნენ.
