„ქართულმა ოცნებამ“, პარტიიდან წასული დეპუტატების ნაცვლად, პარლამენტის სამი კომიტეტის ხელმძღვანელის თანამდებობაზე კანდიდატები წარადგინა.
კერძოდ, „ქართულმა ოცნებამ“ პარლამენტს შემდეგი კანდიდატები წარუდგინა:
- რეგიონული პოლიტიკისა და თვითმმართველობის კომიტეტის თავმჯდომარედ კახი კახიშვილი,
- სპორტისა და ახალგაზრდულ საქმეთა კომიტეტის თავმჯდომარედ ირაკლი მეძმარიაშვილი,
- ჯანმრთელობის დაცვისა და სოციალურ საკითხთა კომიტეტის თავმჯდომარედ ზაზა ლომინაძე.
პარლამენტში 3 კომიტეტის თავმჯდომარის თანამდებობა ვაკანტური მას შემდეგ გახდა, რაც „ქართული ოცნება“ და საპარლამენტო თანამდებობები დიმიტრი ხუნდაძემ, მიხეილ ყაველაშვილმა და სოზარ სუბარმა დატოვეს.