ბათუმელები/ნეტგაზეთის დამფუძნებელი და დირექტორი მზია ამაღლობელი დააპატიმრეს. ბათუმელები/ნეტგაზეთი, როგორც დამოუკიდებელი და გავლენებისგან თავისუფალი მედიასაშუალება, რომელიც მზია ამაღლობელმა 2001 წელს დააფუძნა, მიიჩნევს, რომ ის არის რუსული რეჟიმის სინდისის პატიმარი, არ აპირებს შეგუებას, ითხოვს მის დაუყოვნებლივ გათავისუფლებას და აგრძელებს ბრძოლას სიტყვის თავისუფლებისთვის.

თბილისში, ვაკის რაიონში მოქალაქეს სახლის აივანზე  Z აქვს გამოკრული, მის ქვემოთ, მეზობელს კი უკრაინის დროშა.

Z – უკრაინაში რუსული შეჭრის ერთ-ერთი სიმბოლოა.

როგორც მეზობლებმა “ნეტგაზეთს” მიაწოდეს ინფორმაცია, მოქალაქემ  სიმბოლო გუშინ გააკრა, პოლიციის გამოძახების შემდეგ კი ჩამოხსნა, თუმცა “ნეტგაზეთს” სიმბოლო დღეს კვლავ იგივე ადგილას დახვდა.

“ნეტგაზეთი” ინფორმაციის გადასამოწმებლად, ნამდვილად პოლიციის ჩარევის შემდეგ ჩამოხსნა თუ არა მოქალაქემ  სიმბოლო, შსს-საც დაუკავშირდა. უწყებაში გვითხრეს, რომ ინფორმაციას გადამოწმების შემდეგ, მოგვიანებით მოგვაწვდიან.

Z სიმბოლო ვაკეში

 

გუშინ ადგილზე მივიდნენ სამოქალაქო მოძრაობა “სირცხვილიას” აქტივისტებიც და კარზე ანტისაოკუპაციო სტიკერები დააკრეს.

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.

ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.

დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.

წესებსა და პირობებს დეტალურად შეგიძლია გაეცნო მხარდაჭერის პლატფორმაზე.