ბათუმელები/ნეტგაზეთის დამფუძნებელი და დირექტორი მზია ამაღლობელი დააპატიმრეს. ბათუმელები/ნეტგაზეთი, როგორც დამოუკიდებელი და გავლენებისგან თავისუფალი მედიასაშუალება, რომელიც მზია ამაღლობელმა 2001 წელს დააფუძნა, მიიჩნევს, რომ ის არის რუსული რეჟიმის სინდისის პატიმარი, არ აპირებს შეგუებას, ითხოვს მის დაუყოვნებლივ გათავისუფლებას და აგრძელებს ბრძოლას სიტყვის თავისუფლებისთვის.

საქართველოს შინაგან საქმეთა სამინისტროს განცხადებით, დააკავეს პირი, რომელსაც ბრალად კლინიკის დირექტორის დაჭრა ედება.

უწყების განცხადებით, 80 წლის კაცი განზრახ მკვლელობის მცდელობის ბრალდებით, თბილისში დააკავეს. შსს-ის თქმით, გამოძიების ვერსიით, ერთ-ერთ სამედიცინო დაწესებულებაში ურთიერთშელაპარაკების შემდეგ ბრალდებულმა ცეცხლსასროლი იარაღიდან გასროლის შედეგად ამავე კლინიკის დირექტორი დაჭრა.

შინაგან საქმეთა სამინისტროში აღნიშნავენ, რომ დანაშაულის ჩადენის იარაღი ნივთმტკიცებადაა ამოღებული. გამოძიება საქართველოს სისხლის სამართლის კოდექსის 19-108-ე მუხლით მიმდინარეობს, რაც განზრახ მკვლელობის მცდელობას გულისხმობს.

ბრალი დამტკიცების შემთხვევაში 10-დან 15 წლამდე ვადით თავისუფლების აღკვეთას ითვალისწინებს.

თბილისში, კანისა და ვენეროლოგიურ დაავადებათა დისპანსერში გუშინ, 5 აგვისტოს სროლა მოხდა. ნეტგაზეთის ინფორმაციით, ექიმმა კოლეგა დაჭრა.

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.

ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.

დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.

წესებსა და პირობებს დეტალურად შეგიძლია გაეცნო მხარდაჭერის პლატფორმაზე.