ახალი ამბები

ოდესაში საცხოვრებელი სახლის და გასართობი ცენტრის დაბომბვას 17 ადამიანი ემსხვერპლა

1 ივლისი, 2022 • 1103
ოდესაში საცხოვრებელი სახლის და გასართობი ცენტრის დაბომბვას 17 ადამიანი ემსხვერპლა

რუსულმა არმიამ სარაკეტო იერიში მიიტანა ოდესაში საცხოვრებელი სახლსა და გასართობ კომპლექსზე.

უკრაინის საგანგებო სიტუაციების სამსახურის ცნობით,  საცხოვრებელ კორპუსში, რომელიც თითქმის მთლიანად განადგურდა, 14 ადამიანი დაიღუპა, დაშავებულთა რიცხვი კი 30-ს აჭარბებს. გასართობი ცენტრის დაბომბვას კი სამი ადამიანი ემსხვერპლა, მათგან ერთი ბავშვია.

ბოლო დღეების განმავლობაში ეს არ არის პირველი შემთხვევა, როცა რუსეთის სარაკეტო თავდასხმის სამიზნე მშვიდობიანი მოსახლეობა გახდა. რამდენიმე დღის წინ კრემენჩუკში სავაჭრო ცენტრის დაბომბვას, სულ მცირე, 18 ადამიანი ემსხვერპლა და ათეულობით დაშავდა. საცხოვრებელი სახლები დაიბომბა მიკოლაივშიც.

რუსეთი უკრაინაში 24 თებერვალს შეიჭრა და ამ დრომდე აგრძელებს ომს. რუსეთის შეჭრის შედეგად დაღუპულია ათასობით ადამიანი, 10 მილიონამდე უკრაინელი კი იძულებული გახდა, შეეცვალა საცხოვრებელი ადგილი, მათი ნაწილი კი სხვა ქვეყანაში გადავიდა.

მასალების გადაბეჭდვის წესი