ქუთაისის საერთაშორისო აეროპორტი იუწყება, რომ პირველი აგვისტოდან კომპანია Wizz Air ქუთაისის აეროპორტში მეორე „ბაზირებულ საჰაერო ხომალდს აბრუნებს და განაახლებს პირდაპირი რეგულარული რეისების შესრულებას პარიზისა და ტალინის მიმართულებით“.

„ტალინის მიმართულებით პირდაპირი რეგულარული რეისები 1 აგვისტოდან კვირაში 2 სიხშირით, ხოლო პარიზის მიმართულებით – 4 აგვისტოდან კვირაში ერთი სიხშირით შესრულდება“, – აცხადებს აეროპორტი.

აეროპორტის განცხადებითვე, ფრენის სიხშირეები გაიზრდება ათენის, ბერლინის, ბარსელონის, რიგის, დორტმუნდის, მემინგენის, მილანის, პრაღის, სალონიკის და ვროცლავის მიმართულებით.