ახალი ამბები

დეზინფორმაციასთან ბრძოლაში მთავარი გარდამტეხი თანამედროვე ტექნოლოგიებია

24 ივნისი, 2022 • 315
დეზინფორმაციასთან ბრძოლაში მთავარი გარდამტეხი თანამედროვე ტექნოლოგიებია

რა როლი აქვს თანამედროვე ტექნოლოგიებს დეზინფორმაციასთან ბრძოლაში? როგორ აადვილებს ხელოვნური ინტელექტი დეზინფორმაციის იდენტიფიცირებას და მასზე რეაგირებას? როგორია ამ ტექნოლოგიების გამოყენების საერთაშორისო, საუკეთესო, პრაქტიკა და როგორ ნერგავს ამ მიდგომებს საქართველო – ეს და სხვა საკითხები Zinc Network-ისა და Start Up Grind-ის ერთობლივი ღონისძიებების ციკლში ტექ. კომპანიებმა და დეზინფორმაციის მკვლევრებმა განიხილეს. 

დეზინფორმაციასთან ბრძოლაში მთავარი გარდამტეხი თანამედროვე ტექნოლოგიებია

Startup Grind თბილისის დირექტორის, გიორგი ტუხაშვილის განმარტებით, მსგავსი ღონისძიებების მიზანია ერთმანეთთან დაახლოვდეს ტექ. საზოგადოება და ის ჯგუფები, რომლებიც დეზინფორმაციაზე მუშაობენ. 

„რუსეთ-უკრაინის ომმა კიდევ ერთხელ აჩვენა, თუ რამხელა გამოწვევაა დეზინფორმაცია. თუმცა დეზინფორმაციასთან ბრძოლის პროცესში ტექ. საზოგადოება და ის ჯგუფები, რომლებიც დეზინფორმაციის გადამოწმებაზე მუშაობენ, ერთმანეთისგანვე გამიჯნულნი არიან. შესაბამისად, ჩვენი მიზანია დავაახლოოთ ეს ჯგუფები, რათა უფრო პრობლემის გადაჭრაზე ორიენტირებული გადაწყვეტები შევიმუშაოთ დეზინფორმაციის წინააღმდეგ ბრძოლისთვის,“ – განამარტავს ტუხაშვილი. 

ამგვარი თანამშრომლობის წარმატების დასტურია ის ტექნოლოგიური გადაწყვეტები, რომელიც Zinc Network-ისა და Startup Grind-ის ერთობლივი, პირველ ინოვაციების  კონკურსის ფარგლებში შეიქმნა. კერძოდ, wavetech.al-ის აუდიო-ვიზუალური მასალების ტექსტში გადასაყვანი პროგრამა. Pulsar.AI-ის პლატფორმა, რომელიც აგროვებს და ასახავს სანდო, საჯაროდ ხელმისაწვდომ მონაცემებს საქართველოსა და რუსეთის ღია ბაზებიდან.

ხელსაწყოთი შესაძლებელია, რეალურ დროში იქნეს აღმოჩენილი ურთიერთკავშირი სხვადასხვა პირების შორის. ასევე, სისტემა დაინტერესებულ მხარეს ავტომატურად ატყობინებს საჯარო ბაზებში განხორციელებული ნებისმიერი ცვლილების შესახებ. და MettaMine-ის ღია წყაროებზე დაფუძნებული ხელსაწყოების ნაკრები, რომლებიც საშუალებას იძლევა, გაანალიზდეს ონლაინ ინფორმაციის გავრცელების ტენდენციები და  ონლაინ მედიაში მომხმარებლების ქცევა.

 Zinc Network-ის პროექტის მენეჯერის, უილ დანბარის განმარტებით, საქართველოში ინფორმაციის სანდოობის ხელშეწყობის პროგრამა, USAID-ის დამხმარებით, კვალავ განაგრძოს მუშაობას ტექნიკური და სამოქალაქო ჯგუფების ერთმანეთად დასაკავშირებლად. 

Zinc Network-ის პროექტის მენეჯერის უილ დანბარი

„ჩვენ უნდა გავაძლიეროთ ერთიანი მიდგომა და მაქსიმალურად ბევრი დაინტერესებული მხარე უნდა ჩავრთოთ დეზინფორმაციასთან ბრძოლის პროცესში. ჩვენი მუშაობით ჯგუფებს, რომლებიც დეზინფორმაციას აწარმოებენ, უნდა მიადგეთ: ფინანსური, რეპუტაციული და სამართლებრივი ზიანი. ამავდროულად, უნდა შევქმნათ ისეთი პროდუქტები, რომელთა საშუალებითაც უფრო მარტივად აღმოვაჩინოთ და გადავამოწმოთ დეზინფორმაცია“, – განაცხადა დანბარმა. 

ამავე ღონისძიებების ციკლზე უკვე დაანონსდა ახალი ინოვაციების კონკურისი, რომლის საპრიზო ფონდი  42,000 აშშ დოლარია.


მასალა მომზადებულია პროექტის – „საქართველოს ინფორმაციული სანდოობის პროგრამის“ ფარგლებში. პროექტს ახორციელებს Zink Network. პროექტი დაფინანსებულია USAID საქართველოს მიერ. მასალაში გამოთქმული შეხედულებები და მოსაზრებები არ არის აუცილებელი, გამოხატავდეს დონორის ან ორგანიზაციის შეხედულებებს.

მასალების გადაბეჭდვის წესი