ევროპარლამენტარი რასა იუკნევიჩიანე „ქართული ოცნების“ თავმჯდომარეს, ირაკლი კობახიძეს რუსეთის პრეზიდენტ ვლადიმერ პუტინს ადარებს.

ევროპარლამენტარი კობახიძის იმ განცხადებას გამოეხმაურა, სადაც მან თქვა, რომ „ევროპის სახალხო პარტია“ (EPP) კრიმინალური პარტიების ევროპული გაერთიანებაა.

„პუტინიც ასე ფიქრობს და ლაპარაკობს“, – დაწერა ტვიტერზე რასა იუკნევიჩიანემ.

“More than 200 MEPs supported the resolution [that includes call to sanction Bidzina Ivanishvili]. It had support of three groups with the @EPP being European union of criminal parties – @UNMGeorgia and @EuropeanGeorgia ,” Georgian Dream Chair Irakli Kobakhidze said pic.twitter.com/GBP3yIk7Od

— Formula NEWS | English (@FormulaGe) June 15, 2022

ირაკლი კობახიძე აცხადებს, რომ ვიდრე ისეთი „კრიმინალური პარტიები“, როგორიც „ნაციონალური მოძრაობა“ და „ევროპული საქართველო“, EPP-ის პარტნიორებად რჩებიან, მანამდე სერიოზული პრობლემები იქნება.

„ევროპის სახალხო პარტია“ ევროპარლამენტში ყველაზე დიდ პოლიტიკურ ჯგუფს წარმოადგენს, საქართველოში მისი პარტნიორი პარტიები კი „ნაციონალური მოძრაობა“ და „ევროპული საქართველო“ არიან. „ევროპის სახალხო პარტიის“ წევრები არიან ევროკავშირის ორი მთავარი ინსტიტუციის ხელმძღვანელები – ევროკომისიის პრეზიდენტი ურსულა ფონ დერ ლაიენი და ევროპარლამენტის პრეზიდენტი რობერტა მეცოლა.

EPP კრიმინალური პარტიების ევროპული გაერთიანებაა – კობახიძე