თბილისის მერის ინფორმაციით, 4 ივნისიდან დედაქალაქში ავტობუსისა და მიკროავტობუსის ახალი მარშრუტები ამოქმედდება. კერძოდ, მუნიციპალურ ტრანსპორტს დაემატება ავტობუსის ხუთი და მიკროავტობუსის სამი მარშრუტი.
მერიის ცნობით, ავტობუსების მარშრუტებში შევა შემდეგი ცვლილებები:
- დიდ დიღომში დაემატება N293 მარშრუტი,
- N294 ავტობუსი ჩაანაცვლებს მიკროავტობუსს – N444,
- N295 ავტობუსი ჩაანაცვლებს მიკროავტობუსს – N546,
- N296 მარშრუტი ჩაანაცვლებს მიკროავტობუს N544-ის მარშრუტს,
- 297 ავტობუსი ჩაანაცვლებს მიკროავტობუს N425-ს.
რაც შეეხება მიკროავტობუსის ახალ ხაზებს, დედაქალაქის მერიის ინფორმაციით, დაემატება შემდეგი ახალი სამარშრუტო ხაზი:
- N425, რომელიც მიკროავტობუსი მოემსახურება მეტრომშენის დასახლებას
- N444 მიკროავტობუსი, რომელიც მოემსახურება ზღვის უბნის დასახლებას
- N546 მიკროავტობუსი იყალთოს გორიდან მეტროსადგურ „ტექნიკური უნივერსიტეტამდე“ იმოძრავებს.
