მშრომელთა საერთაოშიროს დღესთან, 1 მაისთან დაკავშირებით, საქართველოს პროფკავშირების გაერთიანებამ თბილისში, მთავრობის კანცელარიასთან აქცია გამართა, რომელსაც რამდენიმე ათეული ადამიანი დაესწრო.

აქციაზე წაიკითხეს მანიფესტი, რომელშიც მშრომელთა მდგომარეობის გაუმჯობესების მიზნით რამდენიმე მთავარი მოთხოვნაა ჩამოყალიბებული.

ესენია:

• გაუმჯობესდეს დასაქმებულთა უფლებები;
• დაწესდეს ღირსეული მინიმალური ხელფასი;
• დადგინდეს უმუშევრობის შემწეობა;
• დეკრეტული შვებულება ღირსეულად ანაზღაურდეს;
• შემცირდეს ქალისა და კაცის ხელფასებს შორის სხვაობა;
• უზრუნველყოფილი იყოს შრომისთვის უსაფრთხო გარემო;
• დაწესდეს 8 საათიანი სამუშაო დღე;
• დადგინდეს ეფექტიანი საპენსიო რეფორმა.