სოსო პავლიაშვილი მონაწილეობას მიიღებს კრემლში დაგეგმილ კონცერტში, სადაც საპატიო სტუმრებად მიწვეული იქნებიან უკრაინაში მიმდინარე ომში მონაწილე რუსი ჯარისკაცებიც. კონცერტი 4 მაისს არის ჩანიშნული.
ამის შესახებ ინფორმაციას რუსეთის სამთავრობო მედია “რია ნოვოსტი” ავრცელებს.
გამოცემის თანახმად, სოსო პავლიაშვილთან ერთად მონაწილეობას მიიღებს გრიგორი ლეფსიც.
“რია ნოვოსტი” აღნიშნულ კონცერტს აღწერს, როგორც “საზოგადოებრივ-პატრიოტული აქციის გალა-კონცერტს”, სახელწოდებით – “მადლობა ერთგულებისთვის, შთამომავლებო”. ღონისძიების საპატიო სტუმრები ასევე იქნებიან: მეორე მსოფლიო ომის ვეტერანები, სტუდენტები, სკოლის მოსწავლეები, იუნკრები და რუსეთის საზოგადოებრივი და პატრიოტული ორგანიზაციების წევრები.
