რუსეთში ოპოზიციონერსა და პოლიტიკოსს ვლადიმერ კარა-მურზას ბრალი წაუყენეს რუსული სამხედროების შესახებ „ფეიკების“ გავრცელების მუხლით.
საქმე, სავარაუდოდ, ეხება მის განცხადებებს, რომლითაც ის უკრაინაში ომს გმობდა.
ბრალის შესახებ Meduza ოპოზიციონერის ადვოკატზე – ვადიმ პროხოროვზე დაყრდნობით წერს.
ეს მუხლი რუსული სისხლის სამართლის კოდექსის მიხედვით გულისხმობს საჯაროდ ცრუ ინფორმაციის გავრცელებას რუსეთის შეიარაღებული ძალების მოქმედების შესახებ. ამ მუხლის მაქსიმალური სასჯელი 15-წლიანი პატიმრობაა.
ვლადიმერ კარა-მურზა, რომლის მოწამვლაც მანამდე რამდენჯერმე სცადეს, 11 აპრილს დააკავეს მოსკოვში. მაშინვე მისი კოლეგები წერდნენ, რომ – „სავარაუდოდ, საქმე ეხება მის რომელიმე განცხადებას ომის წინააღმდეგ, რომელიც პრესაში ან სოციალურ ქსელებში გავრცელდა“
ვრცლად:
