მსოფლიო პატრიარქი ბართლომე პოლონეთს ეწვევა.
როგორც Orthodox Times წერს, პატრიარქი ბართლომე აპირებს, რომ პოლონეთში არსებული უკრაინელ ლტოლვილთა დროებითი თავშესაფრები მოინახულოს.
მათივე ცნობით, მსოფლიო პატრიარქი პოლონეთის პრეზიდენტმა ანჯეი დუდამ მიიწვია, რათა პოლონეთში მყოფი უკრაინელი ლტოლვილები დალოცოს და გაამხნევოს.
რუსეთი უკრაინაში 24 თებერვალს, გამთენიისას შეიჭრა და მას შემდეგ განუწყვეტლივ ბომბავს როგორც სამხედრო ობიექტებს, ისე მშვიდობიან მოსახლეობას.
შეჭრას წინ უძღოდა რუსეთის პრეზიდენტის მიერ უკრაინის სეპარატისტული დონეცკისა და ლუგანსკის დამოუკიდებლობის აღიარება.