ახალი ამბები

თბილისში თოვის გამო ავტობუსების ნაწილის გადაადგილება შეზღუდული ან შეჩერებულია

20 მარტი, 2022 • 1001
თბილისში თოვის გამო ავტობუსების ნაწილის გადაადგილება შეზღუდული ან შეჩერებულია

თბილისში ინტენსიური თოვის გამო, გზებზე შექმნილი მდგომარეობიდან გამომდინარე,  საზოგადოებრივი ტრანსპორტი შეფერხებით გადაადგილდება, მუნიციპალური ავტობუსების ნაწილის მომსახურება კი ამ დროისთვის სრულად არის შეჩერებულია.

ამის შესახებ ინფორმაციას თბილისის მერია ავრცელებს.

„უხვმა ნალექმა და  დაბალმა ტემპერატურამ  დედაქალაქს პრობლემები შეუქმნა.  შპს „თბილსერვის ჯგუფი“ მუშაობას საგანგებო რეჟიმში განაგრძობს.  თბილისის მასშტაბით, 24 საათის განმავლობაში, უწყვეტად მუშაობს შესაბამისი ტექნიკა. გზის გაწმენდა და ტექნიკური მარილის დაყრა ცენტრალურ და შიდა გზებზე მიმდინარეობს. სამუშაოებში ასევე ჩართულნი არიან დედაქალაქის რაიონული გამგეობები. 

ბოლო დღეების განმავლობაში, 4 000 ტონაზე მეტი ტექნიკური მარილი დაიყარა თბილისის ათივე რაიონსა და  შემოერთებულ ტერიტორიებზე: ტაბახმელაში, კოჯორში, შინდისში, კიკეთში, სამადლოში, წყნეთში, წავკისში, ბეთანიაში, ახალდაბაში, დიდგორსა და სოფელ თელოვანში“, – აცხადებს მერია.

მუნიციპალური ავტობუსების მომსახურება, ამ დროისთვის, სრულად არის შეჩერებული შემდეგ მარშრუტებზე: 

  • N4 ბარათაშვილი – წავკისი
  • N10 ბარათაშვილი -კოჯორი
  • N29 სადგურის მოედანი – სოფ. თხინვალა
  • N89 ვაჟა-ფშაველას მე – 4 მკ/რ( ვეძისი ) – დიდუბე
  • N90 ბარათაშვილი – ოქროყანა (მთაწმინდა)
  • N99 მს დელისი – ნუცუბიძის მე-5 მ/რ
  • N103 ბარათაშვილი – ტაბახმელა
  • N106 ბარათაშვილი – კიკეთი
  • N112 ბარათაშვილი – შინდისი
  • N334 მს დელისი – წყნეთი
  • N363 სახ. უნივერსიტეტი – სოფ. თხინვალა

ნაწილობრივი შეზღუდვებია და ბოლო გაჩერებამდე ვერ მიდის ავტობუსები შემდეგ მარშრუტებზე: 

  • N6 ბარათაშვილი – პოლიტკოვსკაიას ქ.
  • N18 მს ისანი- პატარა ლილო
  • N27 სადგურის მოედანი – ვაშლიჯვარი
  • N47 სადგურის მოედანი – ნუცუბიძე
  • N88 ბარათაშვილი – ნუცუბიძე
  • N107 მს დელისი – სოფ ლისი (წოდორეთი)
  • N301 წმინდა ბარბარეს უბანი – პოლიტკოვსკაიას ქ.
  • N332 სადგურის მოედანი – ნუცუბიძე

თბილისის მერია თხოვნით მიმართავს მოსახლეობას, ცენტრალურ ქუჩებში იმოძრაონ მხოლოდ ზამთრის საბურავებით აღჭურვილი ავტომანქანებით, ხოლო შემოერთებულ ტერიტორიებსა და პრობლემურ მონაკვეთებზე, მაღალი გამავლობის ავტომანქანების გარდა, თავი შეიკავონ გადაადგილებისგან.

მასალების გადაბეჭდვის წესი