ახალი ამბები

Booking-მა და Airbnb-მ რუსეთსა და ბელარუსში მუშაობა შეაჩერა

5 მარტი, 2022 • 998
Booking-მა და Airbnb-მ რუსეთსა და ბელარუსში მუშაობა შეაჩერა

Booking.com-ის დაჯავშნის სერვისმა რუსეთთან და ბელარუსთან მუშაობა შეაჩერა.

ამის შესახებ Booking.com-ის აღმასრულებელმა დირექტორმა გლენ ფოგელმა სოციალურ ქსელ LinkedIn-ში დაწერა.

„ყოველდღიურად, როცა უკრაინაში ომის დესტრუქციულობა იზრდება, რეგიონში ბიზნესის კეთების სირთულეები იზრდება. ამ სირთულის გამო, რომელიც მოიცავს სანქციებთან დაკავშირებულ მნიშვნელოვან შეზღუდვებს, ჩვენ ვაჩერებთ ტურისტულ მომსახურებას რუსეთსა და ბელორუსში“, — განაცხადა ფოგელმა.

„მედუზას“ ცნობით, მანამდე რუსული ტელეგრამის არხებმა და მედიამ შეამჩნიეს, რომ Booking.com-მა შეწყვიტა საცხოვრებლებისა და მანქანების ჩვენება რუსეთსა და ბელარუსში.

რუსეთსა და ბელaრუსში საქმიანობის შეჩერების შესახებ გამოაცხადა მოკლევადიანი გაქირავების სერვისმა Airbnb-მაც.

რუსეთი 24 თებერვალს, გამთენიისას შეიჭრა უკრაინაში და სრულმასშტაბიანი ომი დაიწყო. შეჭრას წინ უძღოდა რუსეთის პრეზიდენტის მიერ უკრაინის სეპარატისტული დონბასის და ლუგანსკის დამოუკიდებლობის აღიარება.

მასალების გადაბეჭდვის წესი