სენაკის საკრებულოში „ნაციონალურმა მოძრაობამ“ და გიორგი გახარიას პარტიამ, „საქართველოსთვის“, საკრებულოს თავმჯდომარედ გახარიას პარტიის წარმომადგენელი, ირაკლი კაჭარავა აირჩეს.

„ქართული ოცნება“ ამ გადაწყვეტილებას არალეგიტიმურს უწოდებს, აცხადებს, რომ საკრებულომ ჯერ 9 თებერვალს, შემდეგ კი დღეს, 23 თებერვალს, უკანონო, არალეგიტიმური გადაწყვეტილებები მიიღო და სასამართლოს მიმართავს.

სენაკის საკრებულოს „ქართული ოცნების“ ფრაქციის ლიდერმა, საბა ოდიშარიამ 23 თებერვალს, საკრებულოს სხდომამდე გამართულ ბრიფინგზე განაცხადა, რომ 9 თებერვალს საკრებულოს ოპოზიციამ (ენმ-მ და გიორგი გახარიას პარტიამ) კანონდარღვევით, ქვორუმის გარეშე ჩაატარა სხდომა, სადაც გახარიას პარტიის დეპუტატის უფლებამოსილება ცნეს, რითაც ოპოზიციამ საკრებულოს თავმჯდომარის ასარჩევად საჭირო 17 ხმა მოაგროვა.

ვრცლად სენაკში განვითარებული მოვლენების შესახებ, გირჩევთ, წაიკითხოთ:

• „პროცედურული ომი“ – რა ხდება სენაკის საკრებულოში