საქართველოს მთავრობის ინფორმაციით, წყალმომმარაგებელი კომპანიის, „ჯორჯიან უოთერ ენდ პაუერის“ 80%-იანი წილი ესპანურ კომპანიაზე გაიყიდა.
მთავრობის თქმით, კომპანია „აქუალიამ“ (Aqualia) 180 მილიონი აშშ დოლარის მოცულობის ინვესტიციის სანაცვლოდ შეიძინა კომპანია “Georgian Water and Power”-ის 80%-იანი წილი. დანარჩენი 20%-იანი წილის ფლობას კვლავ „საქართველოს კაპიტალი“ განაგრძობს.
როგორც თავად კომპანიის საიტზე ვკითხულობთ „აქუალია“ ევროპის მასშტაბით 4 უმსხვილეს წყალმომმარაგებელ კომპანიებს შორის ერთ-ერთია. დღეის მდგომარეობით, კომპანია მსოფლიოს მასშტაბით 30 მილიონ ადამიანს ემსახურება და 17 ქვეყანაში კურირებს. 2020 წელს მისი შემოსავალი 1, 188 მილიონი ევრო იყო.
კომპანიის წილების 51%-ს ფლობენ ჯგუფი FCC (51%) და ავსტრალიური IFM (49%).