საქართველოს მთავრობის ინფორმაციით, 27 იანვრის მონაცემებით, გასულ 24 საათში კორონავრიუსის 17 484 შემთხვევა გაომვლინდა, 27 ადამიანი კი გარდაიცვალა.

Stopcov.ge-ზე გამოქვეყნებული ინფორმაციის თანახმად, ბოლო 24 საათში ქვეყნის მასშტაბით ჩატარდა 73 250 კვლევა ტესტით, მათ შორის, 44 185 კვლევა- ანტიგენის, ე.წ. სწრაფი ტესტით და 29 065 -PCR ტესტით.

ქვეყანაში კოვიდ-19-ის პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს  1 110 168.

დადებითობის დღიური მაჩვენებელი არის 23.87%, ბოლო 14 დღის განმავლობაში – 16.51%, ხოლო 7 დღის – 20.58%.

პანდემიის გავრცელებიდან დღემდე ვირუსს, ჯამში, 14 840 პირი ემსხვერპლა.

დღეს ქვეყანაში გამოვლენილი ინფიცირების 17 484 ახალი შემთხვევიდან:

• თბილისში გამოვლენილია 8 989 შემთხვევა,
• აჭარა – 2 255,
• იმერეთი – 2 222,
• ქვემო ქართლი – 812,
• შიდა ქართლი – 805,
• გურია – 314,
• სამეგრელო – ზემო სვანეთი – 766,
• კახეთი -656,
• მცხეთა-მთიანეთი – 320,
• სამცხე-ჯავახეთი – 298,
• რაჭა-ლეჩხუმი და ქვემო სვანეთი – 47.