დაავადებათა კონტროლის ცენტრის ხელმძღვანელის, ამირან გამყრელიძის განცხადებით, „ასტრაზენეკათი“ და „ფაიზერით“ აცრილთათვის ბუსტერზე ინტერვალი შესაძლოა კიდევ შემცირდეს.
ამჟამად, აღნიშნული ვაქცინებით აცრილ პირებს მესამე, ბუსტერ დოზის გაკეთება მეორე ინექციიდან 5 თვეში შეუძლიათ. თუმცა კორონავირუსის ახალი შტამის გავრცელების საშიშროების გამო, გამყრელიძის თქმით, იმუნიზაციის საბჭო ინტერვალის კიდევ უფრო შემცირებაზე იმსჯელებს:
„ალბათ, დადგება საკითხი, „ფაიზერზე“ და „ასტრაზენეკაზეც“ ბუსტერის პერიოდი ჩამოწიოს 5 თვიდან. ბუსტერიზაცია გახლავთ ერთ-ერთი მნიშვნელოვანი შემაკავებელი ფაქტორი ახალი შტამის წინააღმდეგ“, – ამბობს ამირან გამყრელიძე.
რაც შეეხება „სინოფარმით“ და „სინოვაკით“ აცრილ პირებს, მათ ბუსტერის გაკეთება მეორე ინექციიდან 3 თვის გასვლის შემდეგ შეუძლიათ.
საქართველოში ომიკრონის ორი შემთხვევა დადასტურდა