ახალი ამბები

თბილისის 22-ე საერთაშორისო კინოფესტივალი დაიწყო

5 დეკემბერი, 2021 • 685
თბილისის 22-ე საერთაშორისო კინოფესტივალი დაიწყო

დღეს, 5 დეკემბერს, თბილისის 22-ე საერთაშორისო კინოფესტივალი დაიწყო.

ფესტივალი გაიხსნა ლევან კოღუაშვილის ფილმით „მეოთხე ბრაიტონი“. ფესტივალი 12 დეკემბრის ჩათვლით გაგრძელდება კინოთეატრ „ამირანში“.

როგორც ფესტივალის ორგანიზატორები აცხადებენ, პანდემიასთან დაკავშირებული რეგულაციების გამო, ფესტივალს გარკვეული შეზღუდვებით ატარებენ, კერძოდ:

  • წელს კინოფესტივალის გადაწყვეტილებით აკრედიტაციებზე აპლიკაციები არ მიიღება;
  • სეანსებზე მაყურებლის რაოდენობა განახევრებულია, კინოთეატრის ყველაზე დიდი, პირველი დარბაზი 400-ის ნაცვლად 200 მაყურებლამდეა შემცირებული. (“ამირანის” მცირე დარბაზებში 70, 40 და 15 ადგილია);

ფესტივალის როგანიზატორები ამბობენ, რომ აკრედიტაციები არ გასცეს, რადგან ამ შემთხვევაში, მაყურებლებისთვის ადგილები, ფაქტობრივად, არ დარჩებოდება.

ფესტივალის განმავლობაში, დღის ნებისმიერ დროსა თუ დარბაზში, ბილეთის ფასი იქნება 5 ლარი.

კინოფესტივალზე დასასწრებად აუცილებელია „მწვანე პასპორტი“. პირს მწვანე სტატუსი აქვს, თუ იგი ვაქცინირებულია სრულად, ჩატარებული აქვს 72-საათიანი ვალიდურობის PCR-ტესტი ან 24-საათიანი ვალიდურობის ანტიგენ-ტესტი, ან გადატანილი აქვს კორონავირუსი.

გახსნისა და დახურვის ფილმზე დასწრება მხოლოდ მოსაწვევებით არის შესაძლებელი.

ფესტივალის პროგრამის სრულად ნახვა შეგიძლიათ ბმულზე.

მასალების გადაბეჭდვის წესი