ახალი ამბები

დაიღუპა 72 პაციენტი, გამოვლინდა კორონავირუსის 3 731 შემთხვევა – 2 დეკემბერი

2 დეკემბერი, 2021 • 704
დაიღუპა 72 პაციენტი, გამოვლინდა კორონავირუსის 3 731 შემთხვევა – 2 დეკემბერი

ბოლო 24 საათში ქვეყნის მასშტაბით ჩატარებული 50 626 ტესტით გამოვლინდა კორონავირუსის 3 731 ახალი შემთხვევა. გარდაიცვალა კიდევ 72 ადამიანი.

stopcov.ge-ის ინფორმაციით, ამავე პერიოდში გამოჯანმრთელებულთა რიცხვი 4 295-ს შეადგენს.

რაც შეეხება დადებითობის მაჩვენებელს, 1 დეკემბრის მდგომარეობით, დადებითობის დღიური მაჩვენებელი არის 7.37%, ბოლო 14 დღის მანძილზე – 8.78% ხოლო 7 დღის მანძილზე – 8.53%.

3 731 ახალი შემთხვევა რეგიონების მიხედვით ასე ნაწილდება:

  • თბილისი 1 491;
  • აჭარა – 172;
  • იმერეთი – 646;
  • ქვემო ქართლი – 196;
  • შიდა ქართლი – 327;
  • გურია – 104;
  • სამეგრელო – ზემო სვანეთი – 328;
  • კახეთი – 199;
  • მცხეთა-მთიანეთი – 86;
  • სამცხე-ჯავახეთი – 146;
  • რაჭა-ლეჩხუმი და ქვემო სვანეთი – 36.

საქართველოს  მთავრობის ცნობით, ამ ეტაპზე, ქვეყანაში ვირუსის 45 163 აქტიური შემთხევევაა, საიდანაც 6 541 ადამიანი მკურნალობს საავადმყოფოში, მათ შორის:

  • თბილისში – 2 596;
  • აჭარაში – 523;
  • იმერეთში – 1 389.

“ამ ეტაპზე მძიმე პაციენტია 1 674 პირი, მათ შორის თბილისში – 633, აჭარაში – 124, იმერეთში – 514. ხელოვნური სუნთქვის აპარატზე იმყოფება 379 პირი, მათგან თბილისში – 208, აჭარაში – 43, იმერეთში – 32.

1 144 ადამიანი მოთავსებულია კლინიკურ-სასტუმროებში, მათ შორის 705 – თბილისში, 253 – აჭარაში.

37 478 პირი ვირუსის მკურნალობის კურსს გადის საცხოვრებელ ბინაზე”, — დასძენს საქართველოს მთავრობა.

პანდემიის კრიზისის დაწყებიდან დღემდე საქართველოში კორონავირუსის 853 833 შემთხვევაა აღრიცხული.  ვირუსს, ჯამში, 12 191 ადამიანი ემსხვერპლა.

მასალების გადაბეჭდვის წესი