ბოლო 24 საათში ქვეყნის მასშტაბით ჩატარებული 36 951 ტესტით, კორონავირუსის 3 333 ახალი შემთხვევა გამოვლინდა. გარდაიცვალა კიდევ 56 ადამიანი. მონაცემებს “დაავადებათა კონტროლის ცენტრი” ავრცელებს.
უწყების ინფორმაციით, ამავე პერიოდში გამოჯანმრთელებულთა რიცხვი 5 052-ს შეადგენს.
რაც შეეხება დადებითობის მაჩვენებელს, 27 ნოემბრის მდგომარეობით, დადებითობის დღიური მაჩვენებელი არის 9.02%, ბოლო 14 დღის მანძილზე – 8.98% ხოლო 7 დღის მანძილზე – 8.94%.
3 333 ახალი შემთხვევა რეგიონების მიხედვით ასე ნაწილდება:
- თბილისი 1 333;
- აჭარა – 116;
- იმერეთი – 617;
- ქვემო ქართლი – 202;
- შიდა ქართლი – 254;
- გურია – 100;
- სამეგრელო – ზემო სვანეთი – 302;
- კახეთი – 178;
- მცხეთა-მთიანეთი – 64;
- სამცხე-ჯავახეთი – 142;
- რაჭა-ლეჩხუმი და ქვემო სვანეთი – 25.
საქართველოს მთავრობის ცნობით, ამ ეტაპზე, ქვეყანაში ვირუსის 47 176 აქტიური შემთხევევაა, საიდანაც 6 533 ადამიანი მკურნალობს საავადმყოფოში, მათ შორის:
- თბილისში – 2 588;
- აჭარაში – 515;
- იმერეთში – 1 419.
“ამ ეტაპზე მძიმე პაციენტია 1 649 პირი, მათ შორის, თბილისში – 645, აჭარაში – 122, იმერეთში – 501.
ხელოვნური სუნთქვის აპარატზე იმყოფება 363 პირი, მათგან თბილისში – 205, აჭარაში – 39, იმერეთში – 35. 1 150 ადამიანი მოთავსებულია კლინიკურ-სასტუმროებში, მათ შორის 720 – თბილისში, 247 – აჭარაში.
39 493 პირი ვირუსის მკურნალობის კურსს გადის საცხოვრებელ ბინაზე”, – აცხადებს მთავრობა.
პანდემიის კრიზისის დაწყებიდან დღემდე საქართველოში კორონავირუსის 838 639 შემთხვევაა აღრიცხული. ვირუსს ჯამში 11 927 ადამიანი ემსხვერპლა.