“ცესკოს” წინასწარი მონაცემებით, წალენჯიხაში არჩევნები “ერთიანი ნაციონალური მოძრაობის” კანდიდატმა, გიორგი ხარჩილავამ მოიგო. ამ დროისთვის ეს ერთადერთი ქალაქია, რომლის მერობის არჩევნებშიც ოპოზიციის კანდიდატი იმარჯვებს.
“ცენტრალური საარჩევნო კომისიის” თანახმად, დათვლილია უბნების 100%. ამ შედეგებით, ხარჩილავას ხმათა 51.107% აქვს, მის კონკურენტს “ქართული ოცნებიდან”, გოჩა გულორდავას კი — 48.893%.
წალენჯიხის გარდა ყველგან, მათ შორის, დიდ ქალაქებში “ქართული ოცნების” კანდიდატები იმარჯვებენ. ოპოზიცია ამ მონაცემებს არ აღიარებს და ამბობს, რომ თავის ხმებს დაიცავს.