ქუთაისის 43-საარჩევნო უბანზე ხმაურია – დამკვირვებელი ამბობს, რომ უბანზე ფანჯარა ჩაამტვრიეს, კომისიის თავმჯდომარის თქმით კი, ფანჯარა ძველი ჩატეხილია.
დამკვირვებლის, დემურ ქურციკიძის თქმით, მინას ქვები მოხვდა და ჩაიმსხვრა: “ხმის მიცემის პროცესი მიმდინარეობდა, ქვები მოხვდა მინას, რამაც დაძაბულობა გამოიწვია. ჩაიმსხვრა შუშა. ჩვენ პოლიცია გამოვიძახეთ და პერიმეტრის დაცვა ვთხოვეთ”, – აღნიშნავს ის.
“აქ ვისხედით და გაისმა ტკაცანი, რასაც ფანჯარაზე კენჭის მოხვედრა გამოიწვევდა. ჩვენ ეგრევე გავიხედეთ გარეთ და მოძრაობა არ შეინიშნებოდა. არანაირი ჩამსხვრევა, დამსხვრევა არ ყოფილა. ეს ფანჯარა ადრინდელი გატეხილია”, – ამბობს ირაკლი კინწურაშვილი, საარჩევნო უბნის თავმჯდომარე.