ახალი ამბები

პოლიტიკოსები საერთაშორისო პარტნიორების წარმომადგენლებს ხვდებიან

16 ოქტომბერი, 2021 | | 691
პოლიტიკოსები საერთაშორისო პარტნიორების წარმომადგენლებს ხვდებიან

16 ოქტომბერს თბილისში, სასტუმრო „რუმსში“ პოლიტიკოსებისა და საერთაშორისო პარტნიორების შეხვედრები იმართება.

„ფორმულას“ ცნობით, აშშ-ის სენატისა და საელჩოს წარმომადგენლები, საქართველოში აკრედიტირებულ დიპლომატებთან ერთად, პოლიტიკური პარტიების ლიდერებს ხვდებიან.

როგორც „ფორმულა“ იუწყება, „ნაციონალური მოძრაობის” ლიდერებმა შეხვედრა 17:00 საათისთვის დატოვეს, რის შემდეგაც შეხვედრებს მართავენ „სტრატეგია აღმაშენებლის“ და „ლელოს“ წევრები.

ენმ-ის თავმჯდომარე ნიკა მელია ამბობს, რომ საუბარი ძირითადად ეხებოდა 30 ოქტომბრის არჩევნებს, სააკაშვილის პატიმრობას და სხვა აქტუალურ საკითხებს.

„ელჩები არიან არანაკლებ დეტალურად ინფორმირებულები, ვიდრე თითოეული ჩვენგანი, ჟურნალისტები და პოლიტიკოსები“, – განაცხადა მელიამ შეხვედრის შემდეგ.

თინა ბოკუჩავამ განაცხადა, რომ შეხვედრაზე იმყოფებოდნენ აშშ-ის საელჩოს წარმომადგენლები და ასევე სტუმრები ვაშინგტონიდან.

ტვ პირველის ცნობით, იქვე იმყოფებოდა „ქართული ოცნების“ თავმჯდომარე ირაკლი კობახიძე, რომელმა ტერიტორია კომენტარის გარეშე დატოვა.

მასალების გადაბეჭდვის წესი