ახალი ამბები | ,

ცესკო: თვითმმართველობის არჩევნებში მონაწილეობა ამომრჩეველთა 51.92%-მა მიიღო

2 ოქტომბერი, 2021 | | 500
ცესკო: თვითმმართველობის არჩევნებში მონაწილეობა ამომრჩეველთა 51.92%-მა მიიღო

საქართველოს ცენტრალური საარჩევნო კომისიის განცხადებით, ადგილობრივი თვითმმართველობის არჩევნებში მონაწილეობა ამომრჩეველთა 51.92%-მა მიიღო. 20:00 საათამდე უბნებზე 1 815 776 ამომრჩეველი გამოცხადდა.

შედარებისთვის, 2017 წლის ადგილობრივი თვითმმართველობის არჩევნებზე აქტივობა 45.65% იყო.

ყველაზე მაღალი აქტივობა ქვეყნის მასშტაბით რაჭა-ლეჩხუმში დაფიქსირდა, სადაც არჩევნებში მონაწილეობა რეგისტრირებული ამომრჩევლების 63.5%-მა მიიღო. ყველაზე დაბალი აქტივობა კი ქვემო ქართლში დაფისირდა – 47%.

რეგიონების მიხედვით ამომრჩეველთა აქტივობა ასე გამოიყურება:

  • აჭარა – 56.4%;
  • გურია – 60.2%;
  • თბილისი – 49.1%;
  • იმერეთი – 52.8%;
  • კახეთი – 53.7%;
  • მცხეთა – მთიანეთი – 54.2%;
  • რაჭა ლეჩხუმი – 63.5%;
  • სამეგრელო – ზემო სვანეთი – 52.8%;
  • სამცხე-ჯავახეთი – 57.3%;
  • ქვემო ქართლი – 47%;
  • შიდა ქართლი – 51.3%.

მასალების გადაბეჭდვის წესი