თბილისში მდებარე რესტორანი “შავი ლომი” აცხადებს, რომ დღეიდან მხოლოდ იმ კლიენტებს მოემსახურებიან, ვისაც კოვიდ-19-ზე ტესტის უარყოფითი პასუხი, ან აცრის დამდასატურებელი დოკუმენტი ექნება.
“ძვირფასო სტუმრებო, დღეიდან ‘შავი ლომი’ მხოლოდ აცრილ, ანტიგენის ან პსრ ტესტის მქონე სტუმრებს უმასპიძლებს. თანამშრომლებიც, რა თქმა უნდა, აცრილი დაგხვდებათ. ჯანმრთელობას გისურვებთ ❤️ აცრის დამადასტურებელი შტრიხ კოდი, შეგიძლიათ აიღოთ აქ: https://covidpass.moh.gov.ge/”, – ნათქვამია რესტორნის მიერ ფეისბუკზე გავრცელებულ ინფორმაციაში.
დაავადებათა კონტროლის ეროვნული ცენტრის ინფორმაციით, ბოლო 24 საათის განმავლობაში კორონავირუსი 3 886 ადამიანს დაუდასტურდა და გარდაიცვალა 74 ადამიანი. ბოლო 7 დღის განმავლობაში დადებითობის მაჩვენებელია 9.36%, ხოლო ერთი დღის განმავლობაში- 7.45%.
NCDC-ს ცნობით, ერთი დღის განმავლობაში გამოჯანმრთელდა 4 103 პაციენტი და გამოჯანმრთელებულების საერთო რაოდენობამ 497 517 შეადგინა.
24 საათის განმავლობაში ქვეყნის მასშტაბით 52 162 ტესტი ჩატარდა, მათ შორის 30 129 კვლევა ანტიგენის ტესტით და 22 033- PCR ტესტით.
ახალი გამოვლენილი შემთხვევები რეგიონების მიხედვით შემდეგნაირად ნაწილდება:
- თბილისი – 1 509
- აჭარა – 445
- იმერეთი – 487
- ქვემო ქართლი – 280
- შიდა ქართლი – 223
- გურია – 97
- სამეგრელო – ზემო სვანეთი – 279
- კახეთი – 369
- მცხეთა-მთიანეთი – 84
- სამცხე-ჯავახეთი – 86
- რაჭა-ლეჩხუმი და ქვემო სვანეთი – 27
ამ ეტაპზე ინფიცირების მიმდინარე აქტიური შემთხვევაა 48 672. მათ შორის 7 393 ადამიანი მკურნალობს საავადმყოფოში, აქედან 1 560 მძიმე პაციენტია და ხელოვნური სუნთქვის აპარატზე იმყოფება 379 ადამიანი.
NCDC-ის ცნობით, კლინიკურ სასტუმროებში მოთავსებულია 2 454 პირი, 38 825 ადამიანი კი მკურნალობის კურსს ბინაზე გადის.
საქართველოში კორონავირუსის პირველი შემთხვევის დაფიქსირებიდან დღემდე კორონავირუსი 553 697 ადამიანს დაუდასტურდა, მათ შორის გარდიაცვალა 7 482 ადამიანი.
