ნეტგაზეთი | წულუკიანის საქციელმა დაგვამუნჯა – ვიოლა ფონ კრამონი წულუკიანის საქციელმა დაგვამუნჯა – ვიოლა ფონ კრამონი – Netgazeti
Batumelebi | RU

წულუკიანის საქციელმა დაგვამუნჯა – ვიოლა ფონ კრამონი

ევროპარლამენტარი, საქართველოს საკითხზე ევროპარლამენტის დემოკრატიის მხარდაჭერისა და არჩევნების კოორდინაციის ჯგუფის ხელმძღვანელის, ვიოლა ფონ კრამონის შეფასებით, საქართველოს კულტურის მინისტრ თეა წულუკიანის საქციელი, როდესაც მან ჟურნალისტს მიკროფონი წაართვა, უჩვეულოა დემოკრატიული სახელმწიფოებისთვის.

“ჩვენ ყველანი დაგვამუნჯა იმან, რაც თქვენმა კულტურის მინისტრმა გააკეთა. ეს აბსოლუტურად უჩვეულოა დემოკრატიული სახელმწიფოსთვის. ამავდროულად, ზოგჯერ ვისურვებდი მეხილა მეტი დისტანცია ჟურნალისტების მხრიდანაც, იმიტომ, რომ ზოგიერთი მათგანი ძალიან აბეზარია. ეს არანაირად არ ამართლებს მინისტრის მიერ მიკროფონის გამოგლეჯას, მაგრამ ზოგჯერ პატივი უნდა ვცეთ პოლიტიკოსების პირად სივრცესაც. ჩვენ შეშფოთებული ვართ, რომ მასმედიის თავისუფლებაზე შეტევა ხდება ამ ქვეყანაში”, — განაცხადა კრამონმა.

22 ივლისს სენაკში, ფონდ „ქართუს“ მხარდაჭერით რეაბილიტირებული აკაკი ხორავას სახელობის თეატრი გახსნაზე მყოფმა კულტურის მინისტრმა თეა წულუკიანმა “მთავარი არხის” ჟურნალისტს მიკროფონი წაართვა და ამ დრომდე არ დაუბრუნებია.

ამ თემაზე:

მიკროფონის საქმე: თეა წულუკიანი კანონზე მაღლა

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ჩიჩუა არის "ნეტგაზეთის" რეპორტიორი 2018 წლის სექტემბრიდან.