ნეტგაზეთი | საქართველოში სპეციალური ჩვენების მქონე 12 წლის ბავშვი კოვიდზე აიცრა საქართველოში სპეციალური ჩვენების მქონე 12 წლის ბავშვი კოვიდზე აიცრა – Netgazeti
Batumelebi | RU

საქართველოში სპეციალური ჩვენების მქონე 12 წლის ბავშვი კოვიდზე აიცრა

საქართველოში კორონავირუსზე აიცრა 12 წლის ბავშვი, რომელსაც სპეციალური ჩვენება ჰქონდა.

ამის შესახებ დაავადებათა კონტროლის ეროვნული ცენტრის ხელმძღვანელის მოადგილემ, პაატა იმნაძემ განაცხადა.

“ბავშვებთან დაკავშირებით “ფაიზერს” ახალ ინსტრუქციაში უწერია, რომ 12 წლიდან შესაძლებელია აცრა.  რამდენიმე ქვეყანამ უკვე მიიღო ეს ოფიციალურად. ჩვენ ველოდებით ჯანმრთელობის მსოფლიო ორგანიზაციის ოფიციალურ გადაწყვეტილებას იმის შესახებ, რომ 12 წლიდან დაშვებული იქნება აცრები. როგორც კი ეს იქნება ჯანმრთელობის მსოფლიო ორგანიზაციიდან, ჩვენც შესაბამის ვაქცინებზე დავწევთ ასაკს. თუმცა საქართველოში უკვე იყო ერთი პრეცედენტი, როდესაც 12 წლის ბავშვი აიცრა. სპეციალური ჩვენება ჰქონდა ამ ბავშვს და ამიტომ აიცრა”, — განაცხადა პაატა იმნაძემ.

მან არ დააკონკრეტა, რა ჩვენებაზეა საუბარი და თქვა, რომ პერსონალურ ინფორმაციას ვერ გასცემს.

ამ დროისთვის საქართველოში 16 წლიდან აცრა დაშვებულია მხოლოდ “ფაიზერის” ვაქცინის შემთხვევაში. 45+ ასაკობრივი კატეგორიისთვის არის განკუთვნილი “ასტრაზენეკას” ვაქცინა, ხოლო ჩინური ვაქცინები სრულწლოვანთათვის არის ხელმისაწვდომი.

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ჩიჩუა არის "ნეტგაზეთის" რეპორტიორი 2018 წლის სექტემბრიდან.