ნეტგაზეთი | გორის საკრებულოს წევრი მანქანის დაწვის ბრალდებით დააკავეს გორის საკრებულოს წევრი მანქანის დაწვის ბრალდებით დააკავეს – Netgazeti
Batumelebi | RU

გორის საკრებულოს წევრი მანქანის დაწვის ბრალდებით დააკავეს

შინაგან საქმეთა სამინისტრომ გორის საკრებულოს წევრი “ევროპული საქართველოდან” კახა ბურჯანაძე ავტომობილის დაწვის ფაქტზე დააკავა.

შსს-ს ცნობით, გამოძიებით დადგინდა, რომ ბრალდებულმა მიმდინარე წლის 8 ივლისს ქალაქ გორში, ერთ-ერთ ქუჩაზე მდგომ ავტომობილს, ამავე ავტომობილის მფლობელთან მ.კ – სთან არსებული უთანხმოების ნიადაგზე ცეცხლი წაუკიდა.

გამოძიება საქართველოს სსკ-ის 187-ე მუხლის მე-2 ნაწილის “ა” ქვეპუნქტით მიმდინარეობს, რაც ცეცხლის წაკიდებით ნივთის დაზიანების ან განადგურებას გულისხმობს.

დანაშაული 3-დან 5 წლამდე ვადით თავისუფლების აღკვეთას ითვალისწინებს.

ბურჯანაძის ადვოკატი მედიასთან საუბრისას აცხადებს, რომ დაკავებულმა თავისი ნებით დაწვა ავტომობილი, რომელიც მის მიერვე იყო შეძენილი და ამდენად, არ ეთანხმება გამოძიების დაწყებას 187-ე მუხლით, რომელიც მათ შორის გულისხმობს სხვისი ნივთის დაზიანებას ან განადგურებას, რადგან, ადვოკატის თქმით, ავტომობილი იყო დაკავებულის საკუთრება.

ნეტგაზეთის მასალების სხვა გამოცემებში გადაბეჭდვის წესი
ავტორი
ზურაბ მენაღარიშვილი არის ნეტგაზეთის რეპორტიორი 2020 წლის ოქტომბრიდან. ელ-ფოსტა: zmenaghare@gmail.com