დაავადებათა კონტროლის ცენტრის (NCDC) დირექტორის, ამირან გამყრელიძის განცხადებით, ბოლო ერთი თვის განმავლობაში კორონავირუსი საქართველოში შემოსულ 400-ზე მეტ ტურისტს დაუდასტურდა.
NCDC-ს ხელმძღვანელის თქმით, მათ ნაწილს ვირუსი ქვეყანაში ყოფნისას დაუდგინდა:
“ტურისტებში ჩვენ დაახლოებით 400-ზე მეტი დადასტურებული შემთხვევა გვაქვს ინფექციის შემოტანის და შემდეგ მათი იზოლაციის. ზოგს ადგილზე დაუდასტურდა, ზოგს- ქვეყანაში შემოსვლის შემდეგ” ,- აცხადებს ამირან გამყრელიძე.
დაავადებათა კონტროლის ცენტრის დირექტორი არ აკონკრეტებს, თუ ვირუსის რომელი შტამით იყვნენ ტურისტები ინფიცირებული.