ტოივო კლაარი, ევროკავშირის სპეციალური წარმომადგენელი სამხრეთი კავკასიისა და საქართველოში კრიზისის საკითხებში, ყარაბაღში აზერბაიჯანელი ჟურნალისტების ნაღმზე აფეთქებას ეხმაურება.
„გუშინ კელბაჯარში აზერბაიჯანის მოქალაქეების ტრაგიკული გარდაცვალებისა და დაშავების ფაქტები დაფიქსირდა. ეფექტური განაღმვითი სამუშაოებისთვის მნიშვნელოვანია, სრულად მოხდეს ინფორმაციის გაცვლა, რათა თავიდან ავირიდოთ შემდეგი ტრაგედიები“.
„სომხეთმა და აზერბაიჯანმა ყველაფერი უნდა იღონონ, რათა გადაჭრან მნიშვნელოვანი ჰუმანიტარული საკითხები, მათ შორის ტყვეთა გათავისუფლება“, – წერს იგი.
Tragic deaths and injuries of 🇦🇿 civilians in Kelbajar yesterday. Important to have full exchange of information for effective demining to prevent further casualties.
🇦🇲and 🇦🇿 need to make every effort to resolve key humanitarian issues, including the release of detainees.
— Toivo Klaar (@ToivoKlaar) June 5, 2021
ქელბაჯარის რაიონში 4 ივნისს ტანკსაწინააღმდეგო ნაღმზე სამხედრო სატვირთო მანქანა აფეთქდა.
მასში იმყოფებოდნენ გადაღებაზე წასული ორი აზერბაიჯანელი ჟურნალისტი, აზერბაიჯანის სახელმწიფო ტელეკომპანია AzTV-ისა და სახელმწიფო საინფორმაციო სააგენტო «Аzertag”-ის თანამშრომლები და ქელბაჯარის რაიონის ადგილობრივი სამსახურის თანამშრომელი. სამივე მათგანი გარდაიცვალა.
აზერბაიჯანული მხარე აცხადებს, რომ 2020 წლის ყარაბაღის ომის შემდეგ ერევანს ამ დრომდე არ გადაუცია ბაქოსთვის დანაღმული ტერიტორიების რუკა.
ბაქოს ცნობითვე, ომის დასრულების შემდეგ, 2020 წლის 10 ნოემბრიდან დღემდე, ყარაბაღის დანაღმულ ტერიტორიებზე 22 სამოქალაქო და სამხედრო პირი დაიღუპა, 100-ზე მეტი კი დაშავდა.
ყარაბაღში დანაღმულ ველზე აზერბაიჯანელი ჟურნალისტები დაიღუპნენ
