თბილისში, აბანოთუბნის მიმდებარე ტერიტორიაზე ახალგაზრდებს შორის მომხდარი ჩხუბის შედეგად 1 ადამიანი გარდაიცვალა და 3 დაიჭრა.
“ფორმულას” ინფორმაციით, შემთხვევა “კომენდანტის საათის” დროს მოხდა. ორი დაჭრილი ინგოროყვას კლინიკაში არის გადაყვანილი, მესამე — ნიუ ჰოსპიტალში.
შინაგან საქმეთა სამინისტროში “ნეტგაზეთს” განუცხადეს, რომ გამოძიება დაწყებულია სისხლის სამართლის კოდექსის ორი მუხლით — 108-ე (განზრახ მკვლელობა) და 19-109-ე მუხლი (მკვლელობის მცდელობა დამამძიმებელ გარეოებაში). ამასთან, დანაშაულის შეუტყობინებლობის ბრალდებით დაკავებულია ერთი პირი.