ნეტგაზეთი | დევნილებისთვის მათსავე საკუთარებაში არსებულ მიწებზე 200-მდე სახლი აშენდება – სააგენტო დევნილებისთვის მათსავე საკუთარებაში არსებულ მიწებზე 200-მდე სახლი აშენდება – სააგენტო – Netgazeti
RU | GE  

დევნილებისთვის მათსავე საკუთარებაში არსებულ მიწებზე 200-მდე სახლი აშენდება – სააგენტო

დევნილთა, ეკომიგრანტთა და საარსებო წყაროებით უზრუნველყოფის სააგენტოს განცხადებით, იძულებით გადაადგილებული ოჯახების საკუთრებაში არსებულ მიწის ნაკვეთებზე თანამედროვე სტანდარტების შესაბამისი სახლები აშენდება.

სააგენტოს ცნობით, პროექტი გერმანიისა და საქართველოს მთავრობების ნაყოფიერი თანამშრომლობის შედეგად გამოყოფილი გრანტის ფარგლებში ხორციელდება და იძულებით გადაადგილებული ოჯახებისთვის, ჯამში, 200-ზე მეტი სახლის აშენებას ითვალისწინებს.

პროექტი მთელ საქართველოს მოიცავს და მასში მონაწილეობის მსურველ დევნილ ოჯახებს განაცხადის შევსება 31 მაისის ჩათვლით შეუძლიათ.

გერმანიის რეკონსტრუქციისა და განვითარების ბანკის დაფინანსებულ პროექტს ლტოლვილთა დანიის საბჭო ახორციელებს.

სააგენტოს თანახმად, 40-მდე ოჯახთან სამმხრივი ხელშეკრულებები უკვე გააფორმეს და სამშენებლო სამუშაოები უახლოეს მომავალში დაიწყება.


ფოტო გარეკანზე: დევნილთა, ეკომიგრანტთა და საარსებო წყაროებით უზრუნველყოფის სააგენტო

ნეტგაზეთის მასალების სხვა გამოცემებში გადაბეჭდვის წესი
ავტორი
ზურაბ მენაღარიშვილი არის ნეტგაზეთის რეპორტიორი 2020 წლის 01 ოქტომბრიდან მობ: +995 574131276; ელ-ფოსტა: zmenaghare@gmail.com