ნეტგაზეთი | პუტინმა რუსული ვაქცინა კალაშნიკოვის ავტომატს შეადარა პუტინმა რუსული ვაქცინა კალაშნიკოვის ავტომატს შეადარა – Netgazeti
RU | GE  

პუტინმა რუსული ვაქცინა კალაშნიკოვის ავტომატს შეადარა

რუსეთის ფედერაციის პრეზიდენტმა რუსული წარმოების ვაქცინა „სპუტნიკ V“ კალაშნიკოვის ავტომატს შეადარა, წერს „მედუზა“.

გამოცემის ცნობით, ამის შესახებ პუტინმა ვიცე-პრემიერ ტატიანა გოლიკოვასთან განაცხადა.

პუტინის მტკიცებით, „მოდერნას“ თუ „ფაიზერის“ ვაქცინებისგან განსხვავებით, რუსული ვაქცინები „დაფუძნებულია ტექნოლოგიებზე და პლატფორმებზე, რომლებიც ათწლეულები გამოიყენებოდა“ და, შესაბამისად, უფრო უსაფრთხოა.

„როგორც ერთმა ევროპელმა სპეციალისტმა თქვა, [რუსული ვაქცინები] ისევე სანდოა, როგორც კალაშნიკოვის ავტომატი. ვფიქრობ, ის მართალია“, — თქვა პუტინმა.

თუმცა 27 აპრილს ბრაზილიამ სპუტნიკ V-ის ქვეყანაში შეტანა აკრძალა.  ადგილობრივი ხელისუფლების განცხადებით, რუსულ ვაქცინასთან დაკავშირებით არ არსებობს „თანმიმდევრული და სანდო მონაცემები“, ასევე პრობლემურია ვაქცინის შემადგენლობაც, რის გამოც ისინი მხარს ვერ დაუჭერენ „სპუტნიკის“ ქვეყანაში შეტანის გადაწყვეტილებას.


გარეკანის ფოტო: EPA

ნეტგაზეთის მასალების სხვა გამოცემებში გადაბეჭდვის წესი
ავტორი
ნიკა ბურდული – ნეტგაზეთის რეპორტიორი 2019 წლის დეკემბრიდან. E-mail: realnikaburduli@gmail.com