ნეტგაზეთი | Wizz air კატოვიცესა და გდანსკის მიმართულებით ფრენებს იწყებს Wizz air კატოვიცესა და გდანსკის მიმართულებით ფრენებს იწყებს – Netgazeti
RU | GE  

Wizz air კატოვიცესა და გდანსკის მიმართულებით ფრენებს იწყებს

მაისიდან Wizz air გდანსკისა და კატოვიცეს მიმართულებით ფრენებს იწყებს. ამის შესახებ საქართველოს აეროპორტების გაერთიანების ხელმძღვანელმა, თამარ არჩუაძემ განაცხადა:

“მინდა გაგახაროთ და გითხრათ, რომ ავიაკომპანია Wizz Air-ს, რომელიც ოპერირებს ქუთაისის საერთაშორისო აეროპორტში, მაისში ემატება რეისები რიგისა და დორტმუნდის მიმართულებით. ასევე დაემატება კატოვიცესა და გდანსკის მიმართულებები”.

უნგრულმა ბიუჯეტურმა ავიაკომპანიამ ქუთაისის საერთაშორისო აეროპორტიდან რეგულარული ფრენები 18 აპრილიდან განაახლა. ფრენები ვარშავისა და ვილნიუსის მიმართულებით კვირაში ერთი სიხშირით სრულდება.

აეროპორტების გაერთიანება ჯერ კიდევ აპრილში აცხადებდა, რომ მაისიდან Wizz Air  რეგულარული ფრენების განახლებას რიგისა და დორტმუნდის მიმართულებით დაიწყებდა.

ნეტგაზეთის მასალების სხვა გამოცემებში გადაბეჭდვის წესი
ავტორი
მარიამ ვარადაშვილი არის ნეტგაზეთის რეპორტიორი 2017 წლის სექტემბრიდან.