ხაიშში პოლიციელის მიმართ წინააღმდეგობის ბრალდებით სამი პირი დააკავეს. როგორც ნეტგაზეთს შინაგან სამქეთა სამინისტროში განუცხადეს, შემთხვევა 17 აპრილს ე.წ. კომენდანტის საათის დროს მოხდა.

რუსთავი 2-ის ინფორმაციით, სამართალდამცავს ადგილობრივებმა სცემეს და კონფლიქტი ადგილობრივებსა და პოლიციელებს შორის ე.წ. კომენდანტის საათის დარღვევის გამო მოხდა.

მომხდარზე გამოძიება სისხლის სამართლის კოდექსის 353-ე მუხლის მე-2 ნაწილით მიმდინარეობს, რაც ჯგუფის მიერ საზოგადოებრივი წესრიგის დამცველის ან ხელისუფლების სხვა წარმომადგენლის მიმართ წინააღმდეგობას, მუქარა ან ძალადობას გულისხმობს და ისჯება თავისუფლების აღკვეთით ვადით ოთხიდან შვიდ წლამდე.