ბათუმელები/ნეტგაზეთის დამფუძნებელი და დირექტორი მზია ამაღლობელი დააპატიმრეს. ბათუმელები/ნეტგაზეთი, როგორც დამოუკიდებელი და გავლენებისგან თავისუფალი მედიასაშუალება, რომელიც მზია ამაღლობელმა 2001 წელს დააფუძნა, მიიჩნევს, რომ ის არის რუსული რეჟიმის სინდისის პატიმარი, არ აპირებს შეგუებას, ითხოვს მის დაუყოვნებლივ გათავისუფლებას და აგრძელებს ბრძოლას სიტყვის თავისუფლებისთვის.

საქართველოს ჯანდაცვის მინისტრის, ეკატერინე ტიკარაძის თქმით, პოლიციისა და ჯარის მონაწილეობით შეიქმნება ვაქცინაციის სათადარიგო სია.

ტიკარაძემ დღევანდელ ბრიფინგზე განაცხადა, რომ საზოგადოებაში არაერთი მოსაზრება გამოითქვა ვაქცინის დაკარგულ დოზებთან დაკავშირებით.

„ამ ეტაპამდე დაკარგულია მხოლოდ 3%-მდე დოზა. ეს არის 181 ცალი და შემდგომში რომ იყოს მინიმუმამდე დაყვანილი დანაკარგი, მივიღეთ გადაწყვეტილება, რომ პოლიციისა და ჯარის ჩართულობით მოხდეს იმ სათადარიგო სიების შექმნა, რომლებიც სავარაუდო დანაკარგის დოზების აცრაში მიიღებენ მონაწილეობას“, – აცხადებს ტიკარაძე.

ცნობისთვის, „ასტრაზენეკას“ თითო შეფუთვაში არის 10 დოზა, რომელიც გახსნისთანავე უნდა გამოიყენონ. თუ გახსნისას 10-ზე ნაკლები ადამიანი აიცრა, ნაშთი შემდგომ გამოუსადეგარი ხდება.

“შეიქმნას იმ ხალხის სათადარიგო სია, ვინც გამოუყენებლი ვაქცინით ასაცრელად მზადაა” — პეტიცია

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.

ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.

დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.

წესებსა და პირობებს დეტალურად შეგიძლია გაეცნო მხარდაჭერის პლატფორმაზე.