ნეტგაზეთი | ღარიბაშვილი სენატს, სახ.დეპს და კონკრეტულად ჯორჯ კენტს მადლობას უხდის ღარიბაშვილი სენატს, სახ.დეპს და კონკრეტულად ჯორჯ კენტს მადლობას უხდის – Netgazeti
RU | GE  

ღარიბაშვილი სენატს, სახ.დეპს და კონკრეტულად ჯორჯ კენტს მადლობას უხდის

პრემიერ-მინისტრმა ირაკლი ღარიბაშვილმა სენატში საქართველოს შესახებ გამართული დებატების შემდეგ აშშ-ის სახელმწიფო მდივნის მეორე მოადგილეს, ჯორჯ კენტს განსაკუთრებული მადლობა გადაუხადა.

როგორც ღარიბაშვილი ამბობს, კენტმა საქართველოზე საუბრისას ობიექტურობა გამოიჩინა.

“მე მინდა ვისარგებლო ამ შემთხვევით და მადლობა გადავუხადო აშშ-ის სენატს და სახელმწიფო დეპარტამენტს, კონკრეტულად, ბატონ ჯორჯ კენტს [სახელმწიფო მდივნის მეორე მოადგილე] გაკეთებული სამართლიანი შეფასებებისთვის და ობიექტურობისთვის. აღნიშნული მოსმენა და იქ გაკეთებული შეფასებები კიდევ ერთხელ ცხადყოფს, რომ აშშ-სთვის საქართველო არის ერთ-ერთი მნიშვნელოვანი პარტნიორი სახელმწიფო ჩვენს რეგიონში. ყოველგვარ სპეკულაციებს წერტილი დაესვა აღნიშნული განცხადებებით და, რაც მთავარია, დასრულდა აბსურდული ბრალდებები და სპეკულაციები”, — განაცხადა ღარიბაშვილმა.

ამასთან, ღარიბაშვილმა კიდევ ერთხელ გაიხსენა ერვოკავშირის უმაღლეს წარმომადგენელსა და ევროკომისიის ვიცე-პრეზიდენტ ბორელთან შეხვედრის შემდეგ გაკეთებული განცხადებები.

“რა თქმა უნდა, ჩვენთვის ძალიან მნიშვნელოვანი იყო და კიდევ მინდა გამოვეხმაურო ბატონი ბორელის განცხადებებს, ევროკომისიის ვიცე-პრეზიდენტის განცხადებებს. მინდა გამოვეხმაურო იმ ორგანიზებულ თავდასხმას, რომელიც ოპოზიციის წარმომადგენლებმა განახორციელეს ვიცე-პრეზიდენტ ბორელის მისამართით. ეს კიდევ ერთხელ უჩვენებს, რა ძალასთან გვაქვს საქმე”, — განაცხადა ღარიბაშვილმა.

ნეტგაზეთის მასალების სხვა გამოცემებში გადაბეჭდვის წესი
ავტორი